🎥 內容已更新：特朗普戰略🔥看不懂就清袋？

(可橫向手機，並點擊播放器右下方按鈕放大，觀看更舒適!)

大家好。今日係6月25號，世界嘅格局喺過去48小時，發生咗驚天動地嘅逆轉。

短短幾日前，成個世界仲籠罩喺伊朗危機嘅陰霾之下。各大媒體嘅頭版頭條，不斷渲染住第三次世界大戰嘅恐懼，話油價會升到末日級數，令每一個普通人嘅神經都繃到最緊。

但係，尋日，6月24號，發生咗咩事？特朗普晨早突然宣布，伊朗同以色列達成停火。市場嘅反應係即時、劇烈嘅：油價，由75蚊美金，一嘢插穿65蚊；黃金價格應聲大跌；而股市，就大幅向上爆升。 

由開戰到停火成件事，係咪屬於突如其來嘅「黑天鵝」事件？定係，一場精心編寫，早有預謀，而且完美收官嘅劇本？

如果你一直有追蹤我嘅分析，你絕對唔會驚訝。因為我哋早喺6月20號就明確指出：呢場危機，根本唔係咩失控嘅意外，而係一場由華盛頓親自執刀嘅外科手術。 之後發生嘅一切，完全印證我哋嘅判斷。

佢嘅目標，從來都唔係要引爆戰爭，而係要藉住一場可控嘅衝突，徹底重塑未來十年嘅全球石油版圖，最終建立一個現代化嘅「美國朝貢體系」，用全世界嘅財富，嚟填補美國自身嘅巨大債務黑洞。

呢盤棋，你睇唔睇得明？今日我哋就嚟拆解呢個已經被驗證嘅劇本。